Frode Helmich Pedersen

Frode Helmich Pedersen (f. 1976, Noreg) er professor i nordisk litteratur ved Universitetet i Bergen, litteraturkritikar og forfattar.

Han har i ei årrekke vore litteraturmeldar i Bergens Tidende og Morgenbladet og har også engasjert seg som debattant og skribent på andre samfunnsområde. Han har sete i redaksjonen til tidsskrifta Prosopopeia, Vagant og Vinduet og har i mange år undervist ved Skrivekunstakademiet i Hordaland. Han er også fast medlem av det litteraturkritiske forumet «Kritisk kvartett» ved Litteraturhuset i Bergen. 

I 2021 gav han ut essaysamlinga Splinten i øyet, og i 2022 kom Forfølgelsen av Julian Assange, som han skreiv saman med Gisle Selnes.

 I 2021 blei han kåra til årets litteraturkritikar av Norsk kritikarlag.