Frode Helmich Pedersen

Frode Helmich Pedersen (f. 1976, Noreg) er professor i nordisk litteratur ved Universitetet i Bergen og har i ei årrekkje vore litteraturkritikar i Bergens Tidende og Morgenbladet. Han har sete i redaksjonen til tidsskrifta Prosopopeia, Vagant og Vinduet og har i mange år undervist ved Skrivekunstakademiet i Hordaland. Han har også vore fast medlem av det litteraturkritiske forumet Kritisk kvartett ved Litteraturhuset i Bergen. Pedersen har gitt ut Bjørnstjerne Bjørnsons samtidsdrama- resepsjon og tolkning i 2017, essaysamlinga Splinten i øyet i 2021, og Forfølgelsen av Julian Assange i 2022, som han skreiv saman med Gisle Selnes. Frode Helmich Pedersen blei kåra til Årets litteraturkritikar i 2021 av Norsk kritikerlag.