Margunn Vikingstad

Margunn Vikingstad (f. 1971, Noreg) er litteraturkritikar og omsetjar. Ho har hovudfag i nordisk språk og litteratur frå Universitetet i Oslo. Vikingstad var litteraturkritikar i Dag og Tid frå 2001 til 2013 og har sidan 2013 vore knytt til Morgenbladet som fast litteraturkritikar. Dei seinare åra har ho kombinert kritikarverksemda med å gjere skjønnlitterære omsetjingar. For omsetjinga av Gustave Flauberts Madame Bovary blei ho nominert til både Kritikarprisen for beste omsetting og Bastianprisen i 2018. Den siste omsetjinga hennar er Swanns kjærleik av Marcel Proust. I 2021 gav ho ut si første bok, essaysamlinga  Rapportar frå randsonene. Åtte essay om samtidslitteratur.