Overføring: Ei tid for Knausgård

Vi viser programposten på storskjerm i Olav H. Hauge.

I Morgenstjerne-serien utforskar Karl Ove Knausgård mellom anna vondskap, død og evig liv. I Bergen blir menneske drepne på dei mest bestialske vis, og så sluttar folk å døy i det heile. I den fjerde og førebels siste boka, Nattskolen, er det kunststudenten Kristian som er hovudpersonen. Han er ein usympatisk og sjølvopptatt mann som vi først møter på fotoskule i London på åttitalet. Kor langt er han villig til å gå for å oppnå kunstnardraumen? Ganske langt, viser det seg.

Vi møter Karl Ove Knausgård i samtale med Karin Haugen, kommentator og tidlegare redaktør for Bokmagasinet i Klassekampen. Dei vil snakke om det vonde og det gode, litterære draumar og om Bergen, der Knausgård sjølv budde og studerte som ambisiøs ung mann på nittitalet.