Fernanda Melchor

Fernanda Melchor (f. 1982, Mexico) er forfattar og journalist busett i Berlin. Tekstane hennar har blitt publisert i mellom anna Le Monde Diplomatique og Excélsior, og i 2018 blei ho utmerka med PEN Mexico Award for Literary and Journalistic Excellence.

Gjennomgåande tema hos Melchor er utforskinga av det meksikanske samfunnet, ofte på lokalt nivå. I 2013 gav ho ut to bøker, Falsa Liebre, hennar fyrste roman, og «Aquí no es Miami» (“dette er ikkje Miami”), ei sakprosabok om harde kår i Veracruz-hamna. Romanen I orkanens skygge frå 2017, der handlinga tar utgangspunkt i drapet på ei lokal «heks», blei godt mottatt i heimlandet og er omsett til fleire språk, mellom anna til norsk i 2021. Boka fekk den tyske International Literature Award og var kortlista til The International Booker Prize. Hennar nyaste bok Páradais kom ut i 2021.