Å grave opp sanninga

Under diktaturet i Argentina på 70- og 80-talet, forsvann titusener av menneske. Dei blei aldri funne, aldri identifisert, fekk aldri ei grav. I boka Døden er å bli glemt (omsett frå spansk av Signe Prøis) fortel den argentinske journalisten Felipe Celesia historia til ei gruppe argentinske rettsantropologar og metoden dei utvikla for å identifisere lik og oppklare brottsverk mot menneskerettar først i Argentina, og sidan i ei rekke land i verda.  

Celesia møter filmskapar og forfattar Mirko Stopar til ein samtale om faget rettsantropologi, kva arbeidet til denne gruppa har betydd for pårørande i heile verda – og korleis verda skal reagere på noverande president i Argentina, Javier Milei, som hevdar at han “ikkje trur på” forsvinningane.

Samtalen er på spansk med simultantolking til norsk.

Simultantolking–  slik gjer du det: 

1. Last ned appen ListenWifi.
• For iOS: https://apps.apple.com/us/app/listenwifi/id1391914337
• For Android: https://play.google.com/store/apps/details?id=com.listentech.ListenEverywhere&hl=en
2. Koble deg til nettverket: LitthusLytt
• Passord: littlytt2025
3. Opne appen.
4. Trykk nedst i høgre hjørne og skann QR-koden som du finn på setet ditt eller på ein plakat i rommet.

Du får utdelt hovudtelefonar ved starten av arrangementet, men du kan òg gjerne ta med eigne.