Samuel Brzeski

Samuel Brzeski (f. 1988, England) er aktuell med utstillinga «Infernal Monologue» på Kunsthall 3,14 fram til 13. mars. Fram til 7. februar har ein òg høve til å oppleva eit anna arbeid av kunstnaren på Norting Space, rett over gata for Litteraturhuset. Kunsthall 3,14 og LitfestBergen samarbeider om ein performance av Samuel Brzeski for å gi publikum ei oppleving i mellomrommet mellom visuell kunst og litteratur.

Samuel Brzeski er ein kunstnar og skribent busett i Bergen. Han arbeider med språk som råmateriale og utforskar korleis den digitale kulturen har påverka og endra forholdet vårt til språk, samt dei emosjonelle konsekvensane dette kan medføra.

Brzeski har ein bachelorgrad i engelsk litteratur frå University of Sheffield og ein mastergrad i kunst frå Kunstakademiet i Bergen. Han er òg medleiar for kunstskrivingskollektivet og publiseringsplattformen TEXST.