Anna Kleiva

Anna Kleiva (f. 1989, Noreg) er forfattar og poet. Ho debuterte i 2011 med diktsamlinga Ti liknande versjonar. Sidan har ho gitt ut to diktsamlingar og den sjangeroverskridande Echo Mountain. Forteljingar frå L.A. (2018). Kleiva mottok Bjørnsonstipendet i 2015. Ho har også omsett bøker av Ariana Reines, Asta Olivia Nordenhof og Eve Babitz. I 2023 laga Anna Kleiva og Vilde Tuv tingingsverket Solplomme til Dei nynorske festspela i Ørsta. Tuv komponerte musikken og Kleiva skreiv dikta. Saman med Bendik Vada var Anna Kleiva redaktør for den palestinske diktantologien Tunga mi protesterer mot døden (2024).