Nnimmo Bassey

Nnimmo Bassey (f. 1958, Nigeria) er arkitekt, miljøvernaktivist, poet, pastor og forfattar.

Han er for tida direktør for den økologiske tenketanken Health of Mother Earth Foundation (HOMEF) og medlem av styringskomiteen for Oilwatch International. Han har vore styreleiar for Friends of the Earth International (2008­­­–2012) og leiar i den nigerianske miljøvernorganisasjonen Environmental Rights Action (1993­–2013).

Han har fått mange prisar for arbeidet med miljøvern, mellom anna Right Livelihood-prisen i 2010 og raftoprisen i 2012. Bassey blei kåra til «miljøhelt» av Time Magazine i 2009.

Den siste boka hans er Oil Politics: Echoes of Ecological War, som kom ut i 2016.