Opning av LitFestBergen 2022 (utseld)

Arrangementet er utseld, men du kan sjå sendinga direkte på YouTube. Følg denne lenka.

Velkommen til den offisielle opninga av Bergen internasjonale litteraturfestival for sakprosa og skjønnlitteratur 2022.

For fjerde året på rad set vi i gang festivalen på staseleg vis, i auditoriet i Litteraturhuset i Bergen.

Jon Fosse har på bestilling skrive eit høyrespel for oss, Leika leiken, og uravlyttinga skjer under opninga.

Det blir opplesning ved Britta B. og Stig Holmås og musikalsk innslag med Pedro Carmona-Alvarez og Christine Sandtorv. 

Det blir tale ved festivalsjef Teresa Grøtan, og opningstalen ved statssekretær Odin Adelsten Aunan Bohmann.