Å leite etter stjernestøv i ein høystakk

Er det mogleg å skilje stjernestøv frå jordstøv? Jon Larsen blei nysgjerrig då han ein morgon i 2008 fann eit lite skinande sandkorn på eit nyvaska hagebord. Kvar kom dette frå, spurde han seg, og så byrja jakta på det kosmiske støvet – mikrometeorittane – som i store mengder fell ned på jorda kvar einaste dag. Leiande forskarar fortalte at det ikkje var mogleg å skilje det kosmiske støvet frå det jordiske, men Jon Larsen fann ein metode til slutt, til applaus frå forskarmiljøet.

I samtale med Kari Slaatsveen fortel han om si eiga og mikrometeorittane si reise.