Nils-Øivind Haagensen

Nils-Øivind Haagensen (f. 1971, Noreg) er forfattar og forleggar busett i Oslo.

Han har vore journalist i Klassekampen, og var med å starte Flamme forlag i 2008.

Haagensen debuterte med diktsamlinga Hender og hukommelse i 1998. Sidan har han skrive fleire diktsamlingar, romanar og ei rekke bøker i andre sjangrar. Den siste boka hans er romanen Sangria i parken (2021).

I 2004 fekk han Sultprisen for forfattarskapet sitt. I 2013 blei diktsamlinga God morgen og god natt nominert til Nordisk råds litteraturpris. Han blei tildelt Stiftelsen Kjell Holms kulturpris i 2017.