Ilja Leonard Pfeijffer

Ilja Leonard Pfeijffer (f. 1968, Nederland) er forfattar, poet og klassisk filolog busett i Genova. 

Pfeijffer har gitt ut over førti bøker, mellom anna poesi, romanar, noveller, skodespel, essay og omsettingar. Pfeiffer har lenge vore ansett som ein av dei mest markante forfattarane innan nederlandsk samtidslitteratur. Det internasjonale gjennombrotet kom med romanen Grand Hotel Europa, som blir gitt ut på norsk i februar 2022. Boka blir omtalt som ein grandios, rik og fryktlaus Europa-roman.