Leonard Cohen: Kunstnarens kvardag EKSTRA (UTSOLGT)

På oppdrag frå LitFestBergen har forfattar og musikar Pedro Carmona-Alvarez tatt med seg musikarkollegaer Annlaug Børsheim, Rune Solberg, Kim Guldbrandsen og Inge Rypdal for å skape ei musikalsk-litterær framsyning basert på Leonard Cohens verk.

Songar, dikt, anekdotar og gjenforteljingar avløyser kvarandre for å gi publikum eit innblikk i Cohens liv i kunsten, og vise det skrivande og musiske livet frå vogge til grav. 

Cohens signaturdrink Red Needle vil bli å få kjøpt i festivalbaren Zinken Hopp, der det er Cohen-vorspiel frå kl. 19. Vorspielet varer heilt fram til ekstraforestillinga startar.

Dette er ei ekstra framsyning på grunn av stor pågang til arrangementet.