Den eldste unge guten i Bergen by (opptak på storskjerm)

Dette er eit opptak frå LitFestBergen, februar 2021 og eitt av fleire vi viser i "Alver" på Litteraturhuset i Bergen under Litt Litfest.

Då Sondre Lerche platedebuterte som 18-åring i 2001, var han tydeleg inspirert av og ambassadør for eldre artistar. I 2020 gav han ut boka Alle sanger handler om deg der han entusiastisk deler innsikta si i eit breitt spekter av musikalske uttrykk, på tvers av generasjonane. 

Samtalepartnar er Pedro Carmona-Alvarez, sjølv forfattar og musikar, og den som i si tid karakteriserte Sondre Lerche som den eldste unge guten i Bergen by.