Laila Stien

Laila Stien (f. 1946, Noreg) er forfattar og omsetjar.

Stien, som er særleg kjend som novelleforfattar, har publisert ti slike samlingar, i tillegg til romanen Vekselsang og tre diktsamlingar. Ho har også utmerka seg som barnebokforfattar. I 1993 fekk ho Kritikerprisen for beste barne- og ungdomsbok, for Å plukke en smørblomst.

Arbeidet hennar er kjenneteikna av fokuset på samisk kultur. Ho har omsett ei rekke verk frå samisk til norsk, og vore redaktør for antologiar med moderne samisk litteratur. I 2015 blei ho tildelt ein æresdoktorgrad av Universitetet i Tromsø for arbeidet innanfor dette området.

Mellom dei mange prisane ho har blitt tildelt i løpet av karrieren er Aschehougprisen i 2000 og Havmannprisen i 1999.