Eit livsverk i samlemaniens teikn: Einar Økland

Forfattar og kulturhistorikar Einar Økland hevdar at somme samlar på seg sjølv, andre samlar på kunnskap. Sjølv har han skrive eller redigert meir enn hundre bøker gjennom 60 år, hans eigne tekstar er omsette til 18 språk – og å samle har han gjort nesten så lenge han har levd.

I januar 2025 runda Økland 85 år. Kva er det Økland har samla på i all dei åra, kvifor – og ikkje minst: Korleis heng samlemanien i hop med diktinga hans? Det får ein truleg svar på i samtalen mellom Økland og tidlegare forleggar og sjefredaktør Sverre Tusvik.

Samtalen er på norsk.