Sverre Tusvik

Sverre Tusvik (f. 1945, Sverige) er busett i Oslo, og var tidlegare sjefredaktør i Det Norske Samlaget, og var m.a. forlagsredaktør i Samlaget då Olav H. Hauge valde å gi ut bøkene sine på dette forlaget. Han var tilsett i Det ­Norske Samlaget frå 1976, som skulebok­redaktør og skriftstyrar i Syn og Segn, redaktør og redaksjonssjef i skjønnlitterær seksjon, og frå 1999 sjefredaktør i fagbokseksjonen. Tusvik står bak ei rekke utgivingar som redaktør og bidragsytar, særleg innan sakprosasjangeren, som biografiar, kulturhistorie, humor og praktbøker. Han er no aktiv pensjonist. Siste utgivinga han har redigert, saman med Ottar Grepstad, er Økland, Einar Øklands livsverk i samling (2024).