Å plyndre ein identitet

Peruanske Gabriela Wieners litterære prosjekt i romanen Huaco-portrett er å avkolonisere alt: historia, familien, kjærleik, sex, kropp og sjølve språket og litteraturen. 

Romanen byrjar med at forfattaren besøker etnografisk museum i Paris, og ser seg sjølv i urfolksandleta på utstillinga. Ho er også tippoldebarnet til Charles Wiener, som stal desse gjenstandane til Europa, og som utstillinga er kalla opp etter. Alt i livet hennar ber preg av denne familiearva. Møt Gabriela Wiener i samtale om å navigere i verda og å undersøke livet gjennom litteraturen med forfattar Marjam Idriss.

Samtalen er på spansk med simultantolking til engelsk.