Gabriela Wiener

Gabriela Wiener (f. 1975, Peru) er ein forfattar og journalist busett i Madrid. Ho har skrive fleire sakprosabøker i cronica-form, samt ei diktsamling. Tekstane hennar er også gitt ut i ulike antologiar og omsett til engelsk, portugisisk, polsk, tysk, fransk og italiensk. Ho har vore sjefredaktør i Marie Claire i Spania og skriv regelmessig for elDiario.es, Vice og den spanske utgåva av New York Times. Wiener har mottatt den nasjonale journalistprisen i heimlandet. Huaco retrato (2021) er debutromanen hennar og kom i norsk omsetjing i 2024 med tittel Huaco-portrett.