Støvet frå ein kultur i oppløysing

I Frankrike på slutten av 70-talet skreiv kjende intellektuelle som Roland Barthes, Jean-Paul Sartre og Simone de Beauvoir under på eit ope brev til støtte for dei som i ei rettssak var tiltalt for å ha hatt eit seksuelt forhold til unge under seksuell lågalder. Vanessa Springora var sjølv i eit slikt forhold frå ho var 14 år, med den 35 år eldre forfattaren Gabriel Matzneff.

Då boka hennar Samtykket kom ut i Frankrike i 2020, var ho som sprengstoff. Korleis kunne ein hevde at det var frigjerande å ha seksuelle forhold til born, og det med foreldra sitt samtykke?

Vanessa Springora møter forfattar Sandra Lillebø på scena i Bergen. Samtalen blir gjennomført på fransk og tolka direkte av Christina Mediaas.