Geir Pollen

Geir Pollen (f. 1953, Noreg) er forfattar og omsettar busett i Oslo. Han har jobba som lærar i vidaregåande skule. Frå 2001 til 2005 var han formann i Den Norske Forfatterforening.

I 1982 debuterte han med diktsamlinga Posteringar i språket, og har seinare gitt ut fleire diktsamlingar og romanar. I 1998 gav han ut Hutchinsons Eftf., som blei nominert til Brageprisen og Nordisk råds litteraturpris.

Som omsettar har han mellom anna omsett bøkene til den tyske forfattaren W. G. Sebald, og han fekk Kritikerprisen for omsettinga av Austerlitz i 2005.

I 2021 fekk Pollen Bastianprisen for omsettinga av Dama med hunden og andre forteljingar av Anton Tsjekhov.