Abduweli Ayup

Abduweli Ayup (f. 1973, Kina) er lingvist og poet, og ein utretteleg forkjempar for uigurisk språk og kultur. Han har mellom anna publisert ei rekke akademiske artiklar om uigurisk språk, han har undervist i lingvistikk, litteratur og kultur ved fleire universitet i Kina, ved universitetet i Ankara, Tyrkia, og ved universitetet i Kansas, USA.

Som følge av at han var med å starte fleire uigursk-språklege skolar og barnehagar i Xinjiang, slik at uigurske barn og unge skulle få høve til å lære morsmålet sitt, blei han i 2013 arrestert av kinesisk politi og satt internert under svært dårlege forhold i nesten halvanna år. I 2019 kom Abduweli Ayup til Bergen som fribyforfattar, og herifrå har han halde fram med sitt arbeid med å fremme uigursk språk og kultur, og med å avdekke og informere om brot på menneskerettane og overgrep mot uigurar i Kina.