Leyla Josephine

Leyla Josephine (f. 1991, Skottland) er poet, teaterprodusent og manusforfattar busett i Prestwick.

Hennar soloteaterproduksjonar, Hopeless og Daddy Drag, har tatt Storbritannia med storm med utselde framsyningar landet over. Hopeless var finalist i Saboteur’s Best Spoken Word Show 2018, og Daddy Drag vann prisen Autopsy Award 2019 som går til banebrytande kunstnarar i Skottland. Stykket var også kortlista for Filipa Braganca-prisen 2019, ein pris som går til kvinnelege kunstnarar i Edinburgh Fringe-festivalen. I 2014 vann Josephine meisterskapen UK National Spoken Word Slam i Royal Albert Hall. Av The List blei ho nemd som ein av Top 100 Artists To Watch i 2019. Josephine har lang erfaring som prosjektleiar og tilretteleggjar i ulike kunst- og teaterproduksjonar. For tida er ho Writer in Residence i Edinburgh International Book Festival.