James Byrne

James Byrne (f. 1977, Storbritannia) er poet, redaktør og omsetjar.

Han blei anerkjend av The Times som ei stigande stjerne innan britisk poesi i 2009, og bøkene hans har blitt omsette til ei rekke språk. Byrne har hatt ei internasjonal tilnærming til arbeidet som redaktør, og var med på å redigere den første antologien med burmesisk poesi som har blitt gitt ut for eit internasjonalt publikum, Bones Will Crow, i 2015. Han følgde opp dette med eit nytt redigert prosjekt, I Am a Rohingya: Poetry from the Camps and Beyond (2019).

Byrne var tidleg ute med å omfamne poesi på nett, og gjorde tidsskriftet The Wolf om til ei innflytelsesrik digital plattform for poesi frå heile verda. I si eiga skriving hentar han inspirasjon frå eit vidt spekter av kjelder. Hans nyaste samling, The Caprices, blei skriven med utgangspunkt i maleri av Goya.