Dato: 05.02.2022
Tid: 14.15 - 15.00
Stad: Youtube
Perth, Australia
Du kan sjå Literature Live Around the World på YouTube og bt.no
Presentert av Writing Western Australia (Writing WA)
Møt Michelle Johnston i samtale om debutromanen Dustfall med Claire Nichols.
Med utgangspunkt i folkehelsetragedia på 1930-tallet i asbestgruvebyen Wittenoom i Vest-Australia – ein by som no offisielt er sletta frå kartet – vil samtalen utforske tema som menneskeleg feil, ansvar og skuld, bedriftseigarar sin grådighet, styresmaktene si manglande evne til å verne innbyggarane, og dei forferdelege konsekvensane av medisinske feil.
Lokal vert: Claire Nichols
Michelle Johnston er akuttlege ved eit sjukehus i Perth. Ho studerte medisin ved University of Western Australia og fekk stipendiat ved Australian College for Emergency Medicine i 1998. Ho meiner det finst eit bankande hjarte av humanisme, kunst og venleik i den brutale røynda i akuttmottaket.
Claire Nichols er programleiar for ABC Radio Nationals The Book Show, der ho presenterer og intervjuar leiande forfattarar frå Australia og rundt om i verda. Claire har arbeidd i meir enn eit tiår ved ABC, med TV- og radionyheiter både på ABC Local Radio og på Radio National.
Haunting and lyrical, humming with compassion and insight…Michelle Johnston is a rare talent, and this is a rare jewel of a novel.
Kathryn Heyman