Ina Strøm

Ina Strøm (f. 1983, Noreg) er utdanna journalist og har brei erfaring frå media, mellom anna frå NRK. Ho har vore praktikant ved Noregs ambassade i Tokyo og har reist jamleg til Japan dei siste 12 åra.

Våren 2018 debuterte ho med boka Alt dette er Tokyo – Japan sett fra gateplan som ho hausta gode kritikkar for.

I 2020 kom boka En japansk vår – På reise gjennom et evig forbløffende land der lesaren blir tatt med på ei spektakulær og spesiell reise frå sør til nord og frå urtid til samtid. Boka fekk svært gode kritikkar mellom anna i Aftenposten og Dagens Næringsliv.