MiRee Abrahamsen

MiRee Abrahamsen (f. 1973, Sør-Korea) er ein norsk forfattar og billedkunstnar.

Ho er vakst opp i Arendal, men har oppheldt seg i utlandet over lange periodar. Som språk- og kunststudent har ho budd i Tsjekkia, Kviterussland, Syria, Russland og Nederland. Frå 2008 til 2016 var ho busett i Kina, der ho studerte på universitet i Yunnan, Beijing og Shanghai.

Som romanforfattar har ho blitt nominert til Sørlandets litteraturpris ved tre ulike høve. I 2019 publiserte ho Sjamanen i stjerneregn – en reise til Asias sentrum, ein sjangerhybrid med element av både roman, reiseskildring og essaysamling.  

Ho har konkurrert i kampsport på nasjonalt og internasjonalt nivå sidan 2012, og er den fyrste nordmannen som har vunne gullmedalje i verdsmeisterskapet for tai ji.