Skip to the content
}

Nominert til årets kulturbegivenhet

LitFestBergen er nominert til Bergen Awards 2020.

Bergen Awards blir tildelt personar, organisasjonar, bedrifter, lag og talent som har utmerka seg til nytte og glede for bergensregionen og bergensaren.

LitFestBergen er nominert i kategorien årets kulturbegivenhet 2019, saman med gjenopninga av naturhistorisk avdeling på Universitetsmuseet i Bergen og Fargespills 15-årsjubileumsforestilling.

– Dette er ei stor anerkjenning! Å bli nominert saman med Naturhistorisk museum og Fargespill, to kulturaktørar av svært høg kvalitet som begge har sett tydeleg preg på byen, gjer det enda større. Vi er veldig glade!, seier festivalsjef Teresa Grøtan. 

Har skapt stor begeistring

I si vurdering har juryen mellom anna vektlagt at dei nominerte har betydning for Bergensregionen også på sikt, har større ringverknader enn ei enkelt hending, og at hendinga er tilgjengeleg for mange og skapar begeistring og engasjement. 

Juryen skriv:

“Endelig har Bergen fått sin egen litteraturfestival! LitFestBergen så dagens lys i 2019, og har fått svært gode skussmål for sitt omfattende program. LitFestBergen bød på litteratur, debatt, dans, teater, film, slam, performance og fest. Festivalen valgte å satse på bredde: 50-50 sakprosa og skjønnlitteratur. 50-50 norsk og internasjonalt og det ser ut til å ha slått an hos både bidragsytere og publikum! Festivalen har alt klart å etablere seg som en seriøs aktør i det litterære miljøet, og har også skapt stor begeistring her i Bergen. Vi gleder oss til fortsettelsen!”

Bergen internasjonale litteraturfestival blei arrangert for andre gong i februar 2020. Prisen for årets kulturbegivenhet blir delt ut under Bergen Awards i Grieghallen fredag 13. mars.

Oppdatering: Bergen Awards 2020 er utsatt på ubestemt tid på grunn av koronaviruset og smittefare.

Les meir om Bergen Awards her

Del Innhald